Majdoor....

Sau sau manjile aakaash par hai chha rahi
Khoon se kisike imaarte hai naha rahi
Pani se sasta hai iska bahta pasina
Hum rahte phoolo me kaanto me isko jeena

Khoon pasine se jisne ye mahal hai banaye
Ek jhopri bhi uska naseeb naa paaye
In sumeru ko uthane me lage jiske haath
Uske bhagya me to likha hai footpath

Jiske tan ko nahi hai dhakne ko koi katran
Uski lajvanti bitya ka ro raha vyakul man
Hamare tan par sajjit hai ye jo resham
Rachna hai ye uski uska hi ye parishram

Beshkimti heera nikalta hai jo khan se
Swam chala jata hai saste me jaan se
Amrit hame pila garal hai pi raha wo
Kalyug me shiv bankar hai ji raha wo

POET

Sangeeta

Dil Dooba Dooba Jaye Re

Dil dooba dooba jaey re
Sung apne huey paraey re
Dil ke kashtee toofanon mein
Kabhi ubhrey kabhi dagmagaey re
Manjhi koi isey bachaey re
Koi isko paar lagaey re
Himmat apne bundhwaey re
Dil dooba dooba jaey re

Apne bhi huey paraey re
Dil ko mere koi samjhae re
Her pal duniya yahan pyare
Ek roop naya dikhlae re
Yea duniya ek saraey hay
Manzil na koi yahan paey re
Pagal dil ko koi samjhaey re
Dil dooba ddooba jaey rey

Pagal dil tu her dharkan pe
Kabhi roey hay, kabhi gaey re
kabhi Armanon ke chita jaley
kabhi Umeed k diey jalaey re
Yea pyar ka sapna kesa hay
Tootey to dil murjhaey re
Dil khhoon k ansoon rota hay
Koi isko sabr dilaey re
Yea jeena bhi kya jeena hay
K jeeney pe pachtaey re..

Poet

Amber Hssan

Kisan...

Hamare kheto me uga raha hai jo sona
Daane ko eke k shishu ko uske hai rona

Kaise chalata hai yaha wo apna jeevan
Bata degi uski ek ek udhari hui seevan

Uski dushman hai bhook garibi lachari
Jane kab khatam hogi ye mahamaari

Aatmhatya kar raha hai desh ka kisan
Dosto phir bhi hai mera Bharat mahan

Shastri ji kah gaye jai jawan jai kisan
Maaf karna hamne kho di ye pahchaan

Maaf karma hamne kho di ye pahchan...

Poet

Sangeeta

Kab Talak...................

Kab talak dekhegi sapne yah meri andhi nazar.....

Khoj kar lao kahi se roshni ki rahghuzar....

Aandhi udha kar le gayi patta gira jo chitak kar....

Ped ko hairat hui uski yeh kismat dekh kar.....

Humne sim-sim keh diya khul to gaya tha dhaarr magar...

Saanp baite hain kazane par na thi humko khabar....

Akele hi tay ki maine zindagi ki rahghuzar...

Kaarwaan se alag hi chalta raha mera safar....

Baddua...jisko mili hain zamane se umr bhar...

Dua ko uski bhala hoga kisi par kya asar....

Rokne ki andhero ne ki bahut koshish magar.,...

Raat ki chilman hatha kar nikal aayi hain sahar....

Poet

Stranger.....