Swapnil Bahar Liye

Rakho meri aankho par haath
phir dekhoo
sapno me tumahra chupke se aana
khushiya hajar liye,
swapnil bahar liye
tumhare man me rach bas jana
ankhian aakash liye,
rimjhim madhumas liye
tumahri saanso me hans hans ghul jaana
chandan ahsaas liye,
man ka ujas liye
tumhari baaho me pal pal chhip jaana.

Poet

Sangeeta

Pratiksha

Pratiksha hai mere ghar ko
Tumhare kadmo ki

Pratiksha hai mere dar ko
Tumhari dastak ki

Pratiksh hai mere ghar ki hawa ko
Tumhari hansi ki

Pratiksha hai mere ghar ki fiza ko
Tumhari kushboo ki

Pratiksha hai meri tasveer ko
Tumhari drishti ki

Pratiksh hai meri taqdeer ko
Tumhari chahat ki

Pratiksha hai mere kano ko
Tumhari aahat ki

Pratiksha hai meri umang ko
Tumhare pyar ki

Pratiksha hai meri saanso ko
Tumhare sparsh ki.

Aur

Pratiksha hai mujhe
Tumhari sirf tumhari
Tum aao
Aa kar mujhe Apne sang le jao.

Poet

Sangeeta

Pyaar Ke Rang

Apni zindagi ke
Khali canvaas ko
Maine bhar liya hai
Tumhare pyar ke
Sunahere rang se

Uker dena chahti hu
Usme aasmaan
Un sabhi rango se
Jo tuhmara pyaar
Mujhe de raha hai

Samet lena chahti hoon
Apne hatho se
Tumhare sagar jaise
Pyaar ki gehrayi

Fir mita dungi
Humari zindagi ke
Khali pan ko
Aur bharungi usme
Pyaar ke anginat rang
Bas tum haan sirf tum
Mera sath na chodna.

Poet

Sangeeta