AMOOLYE YAAD

Wo hai na insaan
Phir bhee hai ek ehsas
Wo hai na bhagvan
Phir bhee hain poojye aur patee saman
Wo hai na aakash
Phir bhee hai rakshak jaisa vyavhaar
Wo hai na hawa
Phir bhee dete ek thanda ahsaas

Wo hai shayad ek rooh
Jo hai divye par nahiin main roobaroo
Wo hain shayad wo druve
Jo dekhe mujhe tukur-tukur
Wo hain shayad wo pal
Jismain jeeti main her pal

Main na janoon kee wo hain ek anant sagar
Yaa ek divye prakash
Par hain wo ek sheetal yaad
Jo sada rahe mere sath
Chahe khushi ho yaa gum
Na chode mera hath
Jane kya thee unmain baat
Bus hai yeh dua meri bhagvan se aaj
Na dhumil ho unkee koi baat
Kyonki wohi hai amoolye aaj mere paas.

Poet

Astha Goel