Mai nahi chahti saath koi ab mujhe akela hi rahne do
Jab tak thi raat chandni
Jab tak the jhilmil taare
Tab tak thi mai pran priy
The bhoo nabh sab hi hamare
Adhron ki gati shunya hui,bas hriday ki kahne do
Ab mujhe akela hi rahne do
Ab andhkar may dharti
Nabh hai vilin neeravta me
Hai jeern sheern yeh dharti
Kya rakha hai ab navta me
Jab sneh diya apratyashit,utpidan bhi sahne do
Ab kujhe akela hi rehne do
Pank me jeevan paakar
Pankaj bhi to samraat bana
Kaale koyle ki koro ne bhi
Heera sa dravya mahan jana
Paoongi tat samipya avashya,ab dhara me bahne do
Ab mujhe akela hi rehne do.
POET
Sangeeta
No comments:
Post a Comment